Studiekoordinator

OPK-FV - Administrasjon, Vestland fylkeskommune

Frist 30. okt. · Heltid · Fast

Med om lag 2200 studentar er Fagskulen Vestland ein av dei største fagskulane i landet. Fagskulen utdannar mellom anna morgondagens prosjektleiarar og mellomleiarar. Fagskulen Vestland har åtte studiestadar frå Måløy i nord til Stord i sør. Vi er om lag 200 tilsette.

Fagskuleutdanning er ei høgare yrkesfagleg utdanning som byggjer på vidaregåande opplæring eller tilsvarande realkompetanse. Vi samarbeider tett med arbeidslivet i Vestland om å utvikle framtidsretta utdanningar, både studium som strekk seg over fleire år og kortare utdanningar.

Fagskuleutdanninga har høg arbeidsrelevans og våre uteksaminerte studentar er attraktive i arbeidsmarknaden. Utdanninga gir studentane ein kombinert praktisk og teoretisk kompetanse som kvalifiserer til stillingar som krev både teknisk innsikt og leiarkompetanse.

Arbeidsoppgåver

Fagskulen Vestland søker etter to nye medarbeidarar i 100 % faste stilling som studiekoordinatorar ved studiestadene i Bergen. Vi ser etter deg som har studieadministrativ erfaring, og som arbeidar sjølvstendig og systematisk med oppgåvene.

Personane som blir tilsett skal gje administrativ støtte til utdanningsleiarar knytt til drift av utdanningane, og bidra til god kvalitet i oppfølging av studentane. Stillingane er ein del av administrasjonen med 16 medarbeidarar.

Administrasjonsspråket i Vestland fylkeskommune er nynorsk

Kvalifikasjonar

Relevant høgare utdanning på masternivå (lang og relevant arbeidserfaring kan kompensere for manglande formell utdanning)
Relevant arbeidserfaring
Kjennskap til studieadministrative system, LMS og liknande er ein føremon
God erfaring frå saksbehandling og god forståing for forvaltningsprosessar, regelverk og krav til kvalitet og dokumentasjon er ein føremon
Gode IKT kunnskapar
God skriftleg framstillingsevne

Personlege eigenskapar

Har gode samarbeidsevner
Er initiativrik og sjølvstendig
Trivst med utfordringar
Nøyaktig og systematisk

Vi tilbyr

Hos oss får du:

Ein meiningsfull og samfunnsnyttig arbeidskvardag
Ei spanande stilling i eit arbeidsmiljø med høg fagleg kompetanse
Gode moglegheiter for fagleg utvikling
Løn etter avtale
Gode offentlege pensjons- og forsikringsordningar

Om arbeidsgiveren

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket.

Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.