Psykologspesialist

Vi har ledig 1 fast stilling for psykologspesialist ved poliklinikk BUP Volda!

I Helse Møre og Romsdal HF er psykisk helsevern for barn og unge samansett av poliklinikkane i Kristiansund, Molde, Ålesund og Volda (BUP) samt ein døgnseksjon.

Poliklinikken i Volda har eit godt arbeidsmiljø med spanande arbeidsoppgåver. Vi tilbyd differensiert poliklinisk utgreiing- og behandlingstilbod til barn, unge og familiar i 7 kommunar på Sunnmøre.

Personalgruppa vår er sett saman av personar frå ulike yrkesgrupper som er organisert i tverrfaglege team. I tillegg har vi akutt ambulant team, spiseteam, traumeteam og familieteam. Vi gir tilbod om pasient- og pårørandeopplæring. Vi legg vekt på godt samarbeid med andre helsetenester, både i kommunane og i andre delar av spesialisthelsetenesta.

Vi ynskjer å kunne tilby ein god balanse med høve til fagleg fordjuping, organisasjonsutvikling og differensierte kliniske arbeidsoppgåver. Skulle du ha planar om faglege utviklingsprosjekt eller forsking, kan det vere høve til å utvikle dette i samarbeid med fagpersonar med forskingsbakgrunn i seksjonen vår, eller eventuelt saman med samarbeidspartnerar vi har innan forsking og fagutvikling.

Frå november 2026 flyttar vi inn i nye lokaler i Volda sentrum.

Arbeidsoppgåver

• Rettleiing av psykologar
• Poliklinisk utgreiing og behandling av born og unge med ulike psykiske lidingar
• Rettleiing og konsultasjon til foreldre, skule og nettverk
• Deltaking i samarbeidsfora rundt pasientar

Kvalifikasjonar

• Norsk autorisasjon som psykolog
• Fullført spesialitet med fordjuping i barne- og ungdomspsykologi
• Psykologar som har maks 1 år igjen av spesialiseringsløpet kan også søke
• Gode norskkunnskapar, både munnleg og skriftleg
• Politiattest må leggast fram før tilsetting

Personlege eigenskapar

• Du trivast i rettleiingsrolla
• Du har interesse for fagutvikling og engasjement for utvikling av eigen arbeidsplass
• Du arbeider sjølvstendig
• Du har gode samarbeids og kommunikasjonsevner, og kan jobbe strukturert og målretta
• Du har evne til å skape trivsel i ein travel arbeidskvardag

Det å vere personleg eigna vert vektlagt ved tilsetting

Vi tilbyr

• Sterkt tverrfagleg samarbeid
• Tilrettelegging for fagleg utvikling
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her.- Og her.