Vil du vera med å gjera ein forskjell for andre? Då kan dette vera stillinga for deg

Nav Voss tilsett 2 jobbkonsulentar/rettleiarar i 100% fast stilling.

Om arbeidsstaden

Nav er i kontinuerleg utvikling slik at me kan gje betre tenester til innbyggjarane på Voss. Nav Voss arbeider for at flest mogleg skal koma i arbeid, eller aktivitet.

Arbeidsoppgåver

• Kartleggja brukarane sine ressursar og behov, gje karriererettleiing og tilby jobbstøtte
• Formidla tru på at alle menneske kan få og behalda ein jobb uavhengig av språkleg og kulturell bakgrunn
• Oppsøkja arbeidsgjevarar for å skapa relasjonar og kartleggja moglegheiter for arbeidstrening, tiltak eller løna arbeid
• Vera ute i lokalmiljøet og ha møte med brukarar og arbeidsgjevarar
• Sosialfagleg og bustadsosial oppfylging
• Arbeida etter Lov om sosiale teneste i arbeids- og velferdsforvaltninga

Kvalifikasjonskrav

• Minimum treårig sosialfagleg høgskuleutdanning eller anna relevant universitets- eller høgskuleutdanning
• Gode norskkunnskapar, munnleg og skriftleg
• God digital kompetanse
• Kjennskap til arbeidsmarknaden lokalt og regionalt

Det er ynskjeleg med erfaring frå tilsvarande arbeid.

Søkjer du arbeid hjå oss og har ein partner du vil ha med deg, finn gode argument for kvifor de skal flytta hit på Hardanger og Voss kallar. Her ligg det ledige stillingar i regionen.

Personlege eigenskapar Me ser etter deg som:

• Har gode samarbeidsevner
• Er Inkluderande og god til å byggja relasjonar
• Arbeider sjølvstendig og ynskjer å skapa gode resultat i fellesskap
• Er løysingsorientert og høg gjennomføringsevne
• Er god til å motivera og engasjera

Me tilbyr

• Godt arbeidsmiljø
• Utfordrande oppgåver på eit viktig samfunnsområde
• Tverrfagleg arbeidsmiljø med gode kollegaer
• Gode moglegheiter for fagleg og personleg utvikling
• Løn etter gjeldande tariffavtale og lokalt lønssystem
• Offentleg pensjons. og forsikringsvilkår

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver vennleg og legg ved vitnemål og attestar som vedlegg til søknaden.