Vi søkjer lege i spesialisering (LIS3) ved psykiatrisk klinikk.
LIS3-stillinga er ledig for oppstart 01.03.2027, eller etter nærare avtale. Allmennlegar som treng sjukehusteneste som del av spesialiseringa, blir oppmoda til å søkje engasjement.
Psykiatrisk klinikk er eit distriktspsykiatrisk senter for kommunane i Sunnfjord og Ytre Sogn, og har i tillegg sentralsjukehusoppgåver innan akuttpsykiatri, vaksenhabilitering, lokal sikkerheitspost og ambulant sikkerheitsteam.
Avdelinga har 18 faste legestillingar, LIS1 og medisinstudentar vår og haust.
I mars 2021 flytta vi inn i moderne lokale ved sentralsjukehuset i Førde. Her er det fire sengepostar, poliklinikk og Førde BUP.
Med nærleik til Førde
sentralsjukehus, sengepost ungdom (UPH) og Førde BUP, vil det vere mogleg å få
all teneste som er nødvendig for å bli spesialist utan å flytte frå Førde. Avdelinga har fleire spennande prosjekt innan forsking og utvikling. NORSE tilbakemeldingssystem er utvikla ved vår avdeling.
Nyttig informasjon ved jobbsøknad til Psykiatrisk klinikk, Helse Førde HF
Arbeidsoppgåver
- Hovudoppgåva er å vurdere, diagnostisere og behandle tilviste pasientar
- Den som vert tilsett må ventast å ta del i utvikling av fagtilbodet ved avdelinga
- Delta i 9-delt vaktordning på Psykiatrisk klinikk sine einingar og sengepost for barn og ungdom (UPH)
- LIS3 får utarbeidd eigen utdanningsplan tidleg i utdanningsløpet i henhold til oppnåing av læringsmål knytt til spesialiseringsløpet i psykiatri
Kvalifikasjonar
- Norsk autorisasjon som lege
- Gode språkkunnskapar, både skriftlege og munnlege, er heilt avgjerande for forsvarleg pasienthandsaming. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad (gjeld berre for helsepersonell)
- Søkjar må ha førerkort i klasse B
- Søkjar utan godkjent LIS1 teneste, men med relevant praksis kan vurderast til engasjement
Personlege eigenskapar
- Du har motivasjon og interesse for fagfeltet
- Du kommuniserar og samarbeider godt med pasientar, pårørande og kollegaer
- Du har god fagleg vurderingsevne, arbeider målretta og toler å stå i krevjande situasjonar
Vi tilbyr
- Løn i samsvar med gjeldande overeinskomst
- Rekrutteringstilegg
- Gode pensjons- og forsikringsordningar
- Full spesialisering i psykiatri i Førde
- God rettleiing og breitt fagmiljø
- Nytt og moderne bygg (2021)
- Aktiv forskings- og utviklingsverksemd
- Medverknad i prosjekt - blant anna utvikling av NORSE tilbakemeldingssystem
- Etter nærare avtale kan vi vere behjelpeleg med å skaffe bustad
Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Om arbeidsgiveren
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert.
Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.