Overlege Habilitering for vaksne

Er du lege og ønskjer ein meiningsfull arbeidskvardag med fleksibilitet, faglege utfordringar og god balanse mellom jobb og fritid?

Vi har ledig ei fast legestilling (50 %) og søkjer ein lege med interesse for og motivasjon innan habiliteringsfeltet, som ønskjer å arbeide med vaksne pasientar med samansette behov i eit tverrfagleg miljø.

Hos oss i Habilitering vaksne (HAVO) blir du ein del av eit kompetent og engasjert tverrfagleg team som arbeider for å gi eit heilskapleg tilbod til vaksne med utviklingshemming og andre medfødde eller tidleg erverva funksjonsnedsetjingar. Vi tilbyr spennande arbeidsoppgåver, fleksitidsordning og eit inkluderande arbeidsmiljø. Arbeidstida er på dagtid i vekedagane, og tenesta har både poliklinisk og ambulant verksemd.

HAVO har 10 fagstillingar samansett av lege, psykologspesialist, spesialfysioterapeut, spesialergoterapeut og fagkonsulentar (vernepleiarar, pedagog, sosionom og barnevernspedagog). Utfordringane til pasientane er ofte komplekse og krev tett samarbeid internt i spesialisthelsetenesta, på tvers av fagområde og team i avdelinga, og mellom kommune- og spesialisthelsetenesta.

Mange i målgruppa møter ulike utfordringar i overgangar gjennom livsløpet. Vanlege tilleggsvanskar kan vere utfordrande åtferd, motoriske vanskar, epilepsi, syndrom og psykiske vanskar.

Habiliteringsavdelinga er organisert under Medisinsk klinikk saman med mellom anna nevrologi, indremedisin og pediatri. Avdelinga består av Habilitering vaksne (HAVO), Habilitering barn og unge (HABU) og Lærings- og meistringssenteret (LMS). Vi er for tida lokaliserte på Raglamyr, men avdelinga flyttar til sjukehuset våren 2027.

Den som får tilbod om stillinga, må leggje fram tilfredsstillande politiattest (vandelsattest), jf. helsepersonellova § 20 a.

Dette er ei spennande moglegheit for deg som ønskjer å kombinere klinisk arbeid, tverrfagleg samarbeid og fagleg utvikling innan eit viktig og meiningsfylt fagfelt.

Høyrest dette ut som ei stilling for deg? Då ser vi fram til å motta søknaden din. Oppstart etter avtale.

Kva går jobben ut på?

• Arbeide i ei tverrfagleg poliklinikk saman med fysioterapeut og ergoterapeut.
• Gjennomføre individuelle og tverrfaglege utgreiingar, behandling og oppfølging av pasientar med behov for spesialisthelsetenester.
• Utføre medisinske utgreiingar og kontrollar av pasientar i HAVO.
• Bidra til fagutvikling og prosedyrearbeid i avdelinga.

Kva kompetanse er viktig i denne rolla?

• Norsk autorisasjon som lege er eit krav.
• Spesialistgodkjenning innan relevant fagområde er ønskjeleg. Aktuelle spesialitetar er mellom anna nevrologi, psykiatri, allmennmedisin og fysikalsk medisin og rehabilitering. Andre spesialitetar kan også bli vurderte.
• Erfaring frå habilitering, tverrfagleg samarbeid eller arbeid med målgruppa er ein fordel.
• Gode norskkunnskapar, både munnleg og skriftleg.

Kva ser vi etter hos deg?

• Du har interesse for og motivasjon til å arbeide innan habiliteringsfeltet.
• Du arbeider sjølvstendig og strukturert, og har god gjennomføringsevne.
• Du har høg fagleg integritet og fokus på kvalitet i pasientbehandlinga.
• Du samarbeider godt i tverrfaglege team og byggjer gode relasjonar til pasientar, pårørande og samarbeidspartnarar.
• Du bidreg positivt til eit godt fagleg og kollegialt arbeidsmiljø.
• Du er påliteleg og tek ansvar for eigne arbeidsoppgåver

Kvifor skal du velje oss?

• Løns- og arbeidsvilkår i samsvar med gjeldande overeinskomst, samt gode pensjons- og forsikringsordningar.
• Arbeidstid på dagtid i vekedagane.
• Årleg 10 dagar fri med lønn til kurs/kongress og kr 35 000 til fordjuping i 100 % stilling, i tråd med avtaleverket.
• Utdanningspermisjon med lønn i minimum fire månader per femårsperiode.
• Sjukehuset kan hjelpe til med å skaffe personalbustad og barnehageplass.
• Eit aktivt og triveleg arbeidsmiljø.
• Moglegheit til å søkje om deltaking i vidareutdanning for legar innan kompetanseområdet habilitering.
• Stillinga kan kombinerast med arbeid/vakt i annan avdeling.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.