Rådgjevar
NPI - Innovasjonsinfrastruktur, Vestland fylkeskommune
Frist 6. nov. · Heltid · Vikariat
Vestland fylkeskommune har ei viktig rolle som samfunnsutviklar, og skal leggje til rette for innovasjon og digitalisering i heile fylket. Vil du vere med på dette arbeidet? Stillinga gir deg fleire ulike ansvarsområde: eit sentralt ansvar for planlegging og gjennomføring av store arrangement i regi av eininga, prosjektstøtte til eit europeisk prosjekt, og samarbeid med innovasjonsøkosystemet i Vestland. Saman med resten av teamet skal du leggje til rette for samarbeid, nyskaping og digitalisering i fylket.
Arbeidsoppgåver
- Planlegging, koordinering og gjennomføring av store arrangement og konferansar
- Prosjektstøtte til eit europeisk prosjekt
- Bidra i arbeid knytt til innovasjon og digitalisering i eininga
- Vurdering og saksbehandling av søknadar
- Samarbeid med interne og eksterne aktørar, partnarar og nettverk
- Anna relevant arbeid knytt til eininga sine ansvarsområde
Kvalifikasjonar
Vi ser etter deg som har:
- utdanning på masternivå. Mastergrad, gjerne innan relevant fagfelt (til dømes samfunnsfag, innovasjon, digitalisering, økonomi eller liknande)
- erfaring med arrangementsplanlegging og/eller prosjektarbeid er ein fordel
- kjennskap til innovasjonsarbeid og/eller digitaliseringsprosessar er ein fordel
- erfaring med søknadsvurdering eller saksbehandling er ein fordel
- god skriftleg og munnleg framstillingsevne på nynorsk, og gjerne engelsk (relevant for arbeid med europeiske prosjekt)
Kvalifiserte søkjarar som kan starte raskt, vil bli prioritert.
Personlege eigenskapar
Vi ønskjer at du:
- kjenner deg igjen i verdiane våre som er open, kompetent og modig
- er strukturert og sjølvstendig, med god gjennomføringsevne
- er god til å samarbeide og byggje relasjonar
- er fleksibel og løysingsorientert i møte med varierte oppgåver
- er engasjert for innovasjon og digital inkludering
Vi tilbyr
Hos oss får du:
- ein meiningsfull og samfunnsnyttig arbeidskvardag
- ei spanande stilling i eit arbeidsmiljø med høg fagleg kompetanse
- gode moglegheiter for fagleg utvikling
- løn etter avtale
- moglegheit for heimekontor
- gode offentlege pensjons- og forsikringsordningar
Om arbeidsgiveren
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket.
Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.
Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.
Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.