Sjukepleiar
Sengepost Kirurgi 1 SNR, Helse Møre og Romsdal HF
Frist 6. nov. · Heltid · Vikariat
Er du ein positiv, engasjert og fagleg nysgjerrig sjukepleiar? Då kan du vere den vi leitar etter!
Vi søkjer engasjerte sjukepleiarar til to 100 % fast stilling og to 100 % vikariat ved vår kirurgiske sengepost ved Sjukehuset Nordmøre og Romsdal på Hjelset. Tilsetjing snarast eller etter avtale. Tilsetjing kan skje fortløpande.
Kirurgisk sengepost ved SNR Hjelset består av både akutt og elektiv virksomheit. Vi tek imot øyeblikkeleg hjelp-pasientar innan ortopedi, urologi og øyre-nase-hals (ØNH), i tillegg til kirurgiske øyeblikkeleg hjelp-barn innen alle kirurgiske fagområder. Sengeposten har òg ei eiga 5-døgns elektiv eining som behandlar pasientar innan ortopedi, urologi, ØNH, gastroenterologisk kirurgi, gynekologi og plastikkirurgi. Hos oss møter du eit variert pasientgrunnlag og eit breitt kirurgisk fagmiljø. Vi arbeider tett saman i tverrfaglege team for å sikre trygge pasientforløp, høg fagleg kvalitet og god pasientoppleving. Avdelinga er prega av engasjerte medarbeidarar, høg aktivitet og eit kontinuerleg fokus på fagutvikling, samarbeid og forbetringsarbeid.
Vi arbeider kontinuerleg med å utvikle gode og berekraftige turnusordningar, og det er moglegheit for langvakter. Dersom du ønskjer redusert stillingsstorleik, ber vi om at dette blir oppgjeve i søknaden. Ved interne omrokkeringar kan andre stillingsstorleikar bli ledige.
Vi ber om at attestar og vitnemål vert scanna og lasta opp som vedlegg til søknaden.
Arbeidsoppgåver
- Utøve heilskapleg sjukepleie til akutte og elektive pasientar innan kirurgi, ortopedi og kirurgisk barnepleie
- Observere, vurdere og følgje opp pasientar sin kliniske tilstand før og etter behandling eller kirurgiske inngrep
- Planlegge, gjennomføre og evaluere sjukepleietiltak i samarbeid med pasient, pårørande og tverrfagleg team
- Medikamenthandtering og sjukepleieprosedyrar i tråd med gjeldande retningslinjer
- Opplæring og rettleiing av pasientar, pårørande, studentar og kollegaer
- Delta i fagutvikling, kvalitets- og forbetringsarbeid
Kvalifikasjonar
- Norsk autorisasjon som sjukepleiar
- Erfaring frå sengepost er ønskjeleg, men ikkje eit krav
- Erfaring frå eller interesse for kirurgi, ortopedi og/eller behandling av barn er ein fordel
- Gode kliniske vurderingsevner og evne til å arbeide kunnskapsbasert
- God norsk munnleg og skriftleg framstillingsevne
- Personleg eignaheit vil bli vektlagt
Personlege eigenskapar
- Du er fagleg engasjert og opptatt av god pasientbehandling
- Du arbeider godt både sjølvstendig og i team
- Du er ansvarsbevisst, strukturert og evner å prioritere i ein travel arbeidskvardag
- Du kommuniserer godt med pasientar, pårørande og kollegaer
- Du handterer hektiske situasjonar på ein roleg og trygg måte
- Du bidreg til eit positivt og inkluderande arbeidsmiljø og ønskjer å utvikle tenesta saman med kollegaene dine
Vi tilbyr
- Ein spennande og variert arbeidskvardag med pasientar i alle aldrar
- Faglege utfordringar og gode moglegheiter for kompetanseutvikling
- Eit inkluderande arbeidsmiljø med tett samarbeid og høg fagleg kompetanse
- Sterkt tverrfagleg samarbeid med legar og andre faggrupper
- Moglegheit til å bidra i utviklinga av kirurgiske tenester og behandlingstilbod ved sjukehuset
- Fleksiplan, turnus går over 12 veker
- Sterkt tverrfagleg samarbeid
- Ein inkluderande arbeidsplass
- Løn etter gjeldande overeinskomstar
- Medlemskap i god offentleg pensjonsordning og fordelaktige forsikringsvilkår
Om arbeidsgiveren
Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester.
Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Akuttsjukehusa i HMR er i Volda, Ålesund, og på Hjelset i Molde kommune. I SNR Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi.
I tillegg har vi behandlingsinstitusjonar innan psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga.
Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova.
Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal